"قازاق حاندىعىنا 550 جىل" شىعارماشىلىق بايگەسىنە

قوڭىر مۇڭ جۇرەكتى جاۋلاعان، مۇڭلى ھام جۇيكەسىن توزدىرعان مەن بولام. ەسكى ءبىر ولەڭدى وقىپ اپ تەلمىرىپ اسپانعا، ساعىنىش حاتتارىن جولدايمىن تەك قانا سورلانام. قول بۇلعاپ مەنىدە شاقىرىپ جاتادى، قىپ-قىزىل كەشكى كۇن شاپاعى. قوپ-قوڭىر بۇل قىرات جۇدەۋ ءبىر كۇي كەشىپ جاتىر ما؟ توسىندە قان كەشىپ سوعىسقان عۇن بابام. قان تامىپ قىلىشتان جايراتقان جاۋلارىن، ساقتاردى مويىنداپ جاتىر-اۋ بۇل عالام! بۇل عالام عاسىرلار ىزىنە تامسانىپ قارايدى، شاڭ باسقان پاراعىن بىر-بىرلەپ سانايدى. ازۋىن بارىستاي اشاتىن، اقىرعان ايۋداي الشاڭداپ باساتىن. كەرالام دۇنيە تۇسىندا ورناعان تاۋەلسىز حاندىققا - كۇركىرەپ تونەتىن بارىستاي، ايعادا تايسالماي شاباتىن الىپتاي، اشۋلى ارىستان، الداسپان جۇزىندەي، دۇشپانىن شاينايتىن  بۋراداي، بوراندا جورىتقان ارلاننىڭ تۇرىندەي. ازيا تورىندە اقىرعان اجداھار مىنەزدى حاندىقتىڭ رۋحىن جىرلايدى. وق جىلان تىلدەرى ورتادا ءورت بولماس، ءاپ جىلان تىلدەرى ارادا مەرت بولماس. ەرلىكتىڭ رۋحى سونبەگەن، بىرلىكتىڭ ۇرانىن ەمىرەنە تىڭدايدى... كوك تىرەپ ايباتى تاۋەلسىز حاندىعىم... ازيا تورىندە ارقىراپ شاشاتىن جارلىعىن. قازاقتىڭ باعى ءۇشىن جارالعان توسىندە كەرماڭعاز دالامنىڭ، تاۋەلسىز ەل قۇرعان تاۋەلسىز حاندىقتىڭ ۋىعىن قاداعان، ەرلىگىن ەسكە الىپ كەرەي مەن جانىبەك بابامنىڭ شاتتانا تامسانام، سولارمەن الەمگا ماقتانام. التىن تۋ كوتەرىپ كۇن-تۇنى جورىتقان... كۇرەسكەن بابالار تاۋەلسىز ەل ءۇشىن، ءبىر شىمشىم توپىراق، ءبىر سۇيەم جەر ءۇشىن. اس قىلىپ سىرنەكەي، ءنارعىلىپ سىلەكەي، سان-ساپالاق ايقاستى كورەتىن. كەڭ دۇنيە تار بولعان زاماندا، كوك سۇڭگىنى قولعا الىپ، كوك داۋىلدى ات ءمىنىپ، تۇلپاردايىن تۇيعىتىپ، قىراندايىن ءتۇيىلىپ، قارشىعاداي ەسىرىپ، ارقالى، اسىل ارۋاق دەپ، قان مايدانعا ەنەتىن. جەكپە-جەكتە جاۋىنىڭ قانىن ءشاشىپ بەرەتىن. اقىرى ەرلىكپەن ولەتىن تاۋەلسىز حاندىقتىڭ جولىندا. مىسكىندى مىسىمەن باساتىن، ەرلەردىڭ رۋحى الاۋىن شاشاتىن. بوتاسى بوزداماي، ءورىسى شاڭداماي، ەلىنىڭ ەڭسەسى ەزىلمەي ھام ساعى سىنباعان، تاۋەلسىز جۋسانى كوكتەيتىن جىلعادان... و ، و ، و ي كەشەگى ەلدىگىم... قوپ-قوڭىر دالامنىڭ توسىندە قوپ-قوڭىر ءىز جاتىر بەيمالىم، كوردىم مەن سول ءىزدى، سەزدىم مەن سونان سوڭ ويلادىم. ول دەگەن تۇلپارلار تۇياعى سالعان ءىز، تاريح قويىنىندا بابالار ءۇنى بوپ قالعان ءىز. سانادان سوزدەرىن سارالاپ، جاقسى مەن جاماندى باعالاپ كارا قىلدى قاق جارعان قازىبەك، ايتەكە، تولەدەي بيلەرى. قىساسقا قان بەرىپ، وقىسقا قۇن تولەپ، جازىققا جازاسىن، ايىپقا انجىسىن بەرەتىن، قاسىمنان قاسقا جول ەسىمنەن ەسكى جول جەتى جارعى زاڭىنا كونەتىن. كازاقي قاعيدا رۋح-ول نەمەسە قۇبىلىس سان جەتپەس عاسىرلىق، الداسپان قىلىشىن ۇستاعان جاۋىنا جاسىنعىپ. دۇشپانعا بەرمەگەن ەجەلدەن ىرگەسىن، قۇم باسىپ جوعالىتقان ايبارلى مۇردەسىن. بابالار ءىزى ول ەلەسى - تاسىعان ەدىلدىڭ ارناسى بۇگىنگى نۇرلى جول سولاردىڭ جالعاسى. ءتىل  ازات، ءدىن ازات، ءدىل ازات ەڭسەلى بوستاندىق، بۇگىنگى ءتاڭىردىڭ سيلاعان ساۋعاسى. تامسانعان ھاس دۇشپان جايىقتىڭ ارناسى . ەگەمەن ەل بولعان تاۋەلسىز ەلدىگىن ءان قىلىپ، قازاق ول تاۋەلسىز ەل بولاد ماڭگىلىك. ازيا تورىندە ەكسپو2017 وتكىزىپ، 2050گە رۋحتى ولتىرمەي جەتكىزىپ. ءبىر ۇران ۇستانىپ، كۇللى  الەم قارايدى كوكبورى ەلىمە تامسانىپ. ىرىسى شالقىعان، تاۋەلسىز ءيىسى اڭقىعان " ماڭگى ەل " ۇرانى، كوك تۋى جەلبىرەپ عارىشتا ءشانشۋلى تۇرادى! ! ۇمىتبەك باعدات – 1993 جىلى 15 ناۋىرىزدا قحردىڭ سانجى وبىلىسى  بايتىك تاۋىندا دۇنيەگە كەلگەن.قازىرگى تاڭدا حقتۋدىڭ ءبىرىنشى كۋرس ستۋدەنتى.